生病月....

返左學一個月，就病足一個月，想點先?

從來都未試過一星期就感冒一次，

我已經早睡早起，唔食熱氣野，日日都食水果，結果都係病，超灰!

返學時，好唔想聽到同事講﹕「仲未病好呀?早D休息啦!」

                                                     「咁快就病...有排你捱呀!頂住!」

                                                      「而家唔適應姐....好快就唔會病!」

同事們出於好意問候，令我更加難受......覺得自己好無用，係一隻病貓.....

感激同事的包容!

西醫得確係治標唔治本，而家開始睇中醫，飲中藥，遲D仲會做埋中醫推拿，

聽屋企人講推拿會好痛，推到全身都係瘀血......

為左身體健康，點都博一博，各位教育界朋友，小心身體!

23-25/9

重感冒，副校知道我病，要在家休息了三天，

起初，真係唔想請，好唔好意思...

最後，發燒唔識得退，結果俾副校趕走，

幸好有好好同事協助，教我寫定3天「遺言」，

我人生第一次要請代課，超幸福，有副校幫我搵埋代課，咁好既學校就邊度搵

頭一兩天，病到起唔到身，完全超乎自己想像，

各位朋友，學校既病毒勁可惜，大家都係快D打定流感針......

到左第三日，開始好番D，就開始工作了

一口氣，改埋20本我最敬佩的人，再改埋30本週記(我學校週記由中文科老師負責)，

最終，完成了以上工作.....仲出左一張常識工作紙，自覺自己好勁...YEAH!

26/9/08

加戰回歸，得同各同工悉心問候，感覺溫暖.......

去到課室上課，學生們見到我，大聲地YEAH!

我目怒兇光問他們﹕「有咩好YEAH!」

部分學生靜了，有一位學生舉手，我示意他可以說話，

他說﹕「張老師，我很掛念你!」

我高餃地回應﹕「有咩好掛?而家打開數學書第45頁.......」(內心不禁sweet到想死)

到左小息，我經過操場，有好幾位學生走來問侯我。

一位學生問﹕「老師，你仲咩唔返三日學呀?你病左呀?」

我說﹕「係呀，俾你地激死左。」

另一位學生笑著說﹕「嘩!老師，你仲勁過耶穌呀!耶穌死後7天復活，而你只需三天就復活。」

最後，我無理佢地...就入左lift(入左lift仲係度笑，哈哈!)

又係愉快的一天...七點左右離開學校

27/9/08

西貢家庭樂

光頭先生沒有上班

早上改謄文，然後跟王家在一起，

先到沙田shopping，晚上返回西貢家慶祝王極小朋友三歲生日!

28/9/08

西貢家庭日

是時候出試卷了!